Wednesday, May 12, 2021
Home Uncategorized ചെസ് ഗ്രാന്‍ഡ്മാസ്റ്റര്‍ വിശ്വനാഥന്‍ ആനന്ദിന്റെ ജീവിതം വെള്ളിത്തിരയിലേക്ക്

ചെസ് ഗ്രാന്‍ഡ്മാസ്റ്റര്‍ വിശ്വനാഥന്‍ ആനന്ദിന്റെ ജീവിതം വെള്ളിത്തിരയിലേക്ക്

ഇന്ത്യയുടെ ചെസ് ഗ്രാന്‍ഡ്മാസ്റ്റര്‍ വിശ്വനാഥന്‍ ആനന്ദിന്റെ ജീവിതം വെള്ളിത്തിരയിലേക്കെത്തിക്കാന്‍ ഒരുങ്ങി സംവിധായകന്‍ ആനന്ദ് എല്‍ റായ്. പ്രമുഖ ട്രേഡ് അനലിസ്റ്റായ തരണ്‍ ആദര്‍ശാണ് സിനിമയെക്കുറിച്ചുള്ള വിവരങ്ങള്‍ പങ്കുവച്ചത്. സിനിമയുടെ പേര് ഇനിയും തീരുമാനമായിട്ടില്ലെന്നാണ് അദ്ദേഹം അറിയിച്ചത്. അതേസമയം സിനിമയുടെ അണിയറപ്രവര്‍ത്തകര്‍ ഇതുവരെ ചിത്രത്തെക്കുറിച്ചുള്ള വിവരങ്ങള്‍ പുറത്തിവിട്ടിട്ടില്ല.

ഇന്ത്യയില്‍ നിന്നുള്ള ലോക ചെസ് ചാമ്പ്യനാണ് വിശ്വനാഥന്‍ ആനന്ദ്. ഗ്രാന്‍ഡ്മാസ്റ്റര്‍ പദവിയിലെത്തുന്ന ആദ്യ ഇന്ത്യക്കാരനാണ് അദ്ദേഹം. 1988ലായിരുന്നു അത്. അഞ്ച് തവണ ലോക ചെസ് ചാമ്പ്യന്‍ഷിപ്പ് സ്വന്തമാക്കിയിട്ടുമുണ്ട്. രാജീവ് ഗാന്ധി ഖേല്‍ രത്ന പുരസ്‌കാരം ആദ്യമായി വാങ്ങിയതും ആനന്ദ് ആണ്. പത്മ വിഭൂഷണ്‍ അടക്കമുള്ള അവാര്‍ഡുകള്‍ക്കും അദ്ദേഹം അര്‍ഹനായിട്ടുണ്ട്.

Most Popular